10 اضافات مهمة ومميزة في متصفح جوجل كروم

نقدم لكم اضافات لجوجل كروم بيسهلوا عليك حاجات كتير جدا ..اضافات بسيطة وحجمهم صغير بتنزلهم من جوجل ويب ستور وبيتيحوا لك خدمات كتير مفيدة..

1) اضافة Care Your Eyes
ودي بتسمحلك انك تحول اي موقع صفحته بيضاء مزعجة الى اللون الاسود حتى لو كان الفيسبوك..

الهدف منها ان اللون الابيض في بعض المواقع بيكون عامل اضاءة عالية ممكن تزعج عينيك وبالتالي تقدر تغير اللون بتاع الموقع الى لون غامق مظلم يريح عينك وفي اي وقت تقدر ترجع اللون الطبيعي تاني..

http://bit.ly/CareyourEyes

2) اضافة الAdblock
لا غنى عنه طبعا وده بيمنع الاعلانات المزعجة الكتير على جميع المواقع زي اليوتيوب وكمان بيمنع الصفحات المنبثقة اللي بتفتح فجأة لما تدخل على بعض المواقع..

ده اللينك :

http://bit.ly/Adblock-1

3) اضافة Download FB Albums
ودي بتسمحلك بضغطة واحدة انك تنزل عندك اي البوم صور على الفيسبوك بدون ما تقعد تفتح كل صورة وتحفظها بشكل ممل..

وده اللينك

http://downalbum

4) اضافة الMarker
ودي بتسمحلك انك تعلم او تحدد اي كلمات او جمل في اي صفحة باللون الأصفر المميز او بأي لون تاني زي الماركر اللي بنستعمله أثناء المذاكرة..بتسهل عليك قراءة المقالات وتحديد المهم فيها..

http://bit.ly/Marker-1

5) اضافة الImage Downloader
ودي بقا بتخليك تنزل أي صور على موقع دفعة واحدة وكمان بعض المواقع بتكون صورها محمية وممنوع تنزلها فبالاضافة دي ضغطة واحدة بتقوم منزلها..

http://bit.ly/ImageDownloader

6) اضافة Full Page Screen Capture
بضغطة واحدة بتقوم واخدة سكرين شوت لكل الصفحة " مهما كان طولها "..

السكرين شوت العادية بتاخد صورة الصفحة المعروضة فقط, لذلك لو صفحة او بوست طويل قوي عالفيس مثلا او مقالة طويلة مش هتقدر تحفظها كسكرين شوت الا على مراحل عشان حجم الشاشة..

لذلك الاضافة دي بتاخد الصفحة كلها او البوست كله بالكامل :

http://bit.ly/FullPageScreenCapture

7) اضافة Save as PDF
ودي بتسمحلك تحفظ وتخزن الصفحة اللي انت فاتحها ككتاب pdf يعني مثلا لو مقالة طويلة ممكن تخزن صفحتها عندك على هيئة كتاب صغير تلف فيه براحتك في اي وقت بدل ما تحفظ الصفحة نفسها بشكل ممل..

http:save as

8) اضافة الgoogle shortener
ودي بضغطة واحدة بتعملك لينك مختصر للصفحة بدل اللينك الطويل بتاعها..ودي بستعملها في البوست ده زي مانت ملاح

http://bit.ly/google-shortener-1

9) الاضافة google translate
ودي بضغطة واحدة تفتحلك ترجمة جوجل او تترجملك صفحة بأكملها من الانجليزي للعربي لكن في بعض الاحيان بتكون ترجمة مش دقيقة يعني ركز برضه..

http://bit.ly/google-translate-1

10) آخر اضافة Avira Browser Safety
ودي بتريحك كتير من الصفحات المقرصنة او اللي عليها فيروسات ولو جيت تدخل على صفحة غير آمنة بتنبهك قبل ما تفتحها يعني من الاخر امان مريح بأضافة بسيطة..

http://bit.ly/Avira-Browser-Safety